පවතින ආර්ථික යථාර්ථයන් සැලකිල්ලට ගනිමින්, පුද්ගල ආදායම් බදු අය කරනු ලබන උපරිම බදු ප්රතිශතය වන සියයට 36ට යටත් වන ආදායම් සීමාව තවදුරටත් ඉහළ නැංවිය හැකිද යන්න පිළිබඳව රජය විශේෂ අධ්යයනයක නිරත වන බව කම්කරු අමාත්ය සහ මුදල් හා ක්රමසම්පාදන නියෝජ්ය අමාත්ය ආචාර්ය අනිල් ජයන්ත ප්රනාන්දු මහතා පවසයි.
ඒ අනුව, දැනට පවතින සියයට 36ක උපරිම බද්දට යටත් වන මාසික ආදායම් සීමාව රුපියල් ලක්ෂ 5, 6 හෝ ලක්ෂ හතහමාර (7.5) දක්වා ඉහළ නැංවීම කෙරෙහි රජයේ අවධානය යොමුව ඇති බවත්, ඒ පිළිබඳව මේ වන විටත් විධිමත් අධ්යයනයක් සිදු කරමින් පවතින බවත් ඔහු අනාවරණය කළේය.
News
වත්මන් රජය බලයට පත්වන අවස්ථාව වන විට පුද්ගල ආදායම් බදු අය කිරීම ආරම්භ වූ මාසික ආදායම් සීමාව රුපියල් ලක්ෂයක මට්ටමේ පැවති බව පෙන්වා දුන් අමාත්යවරයා, ජනතාව මුහුණ දෙන ආර්ථික දුෂ්කරතා සැලකිල්ලට ගෙන එම සීමාව රුපියල් එක්ලක්ෂ පනස්දහස දක්වා ඉහළ නැංවීමට පියවර ගත් බව ද වැඩිදුරටත් සඳහන් කළේය.